الجزء الثالث من قصة نفاق رجل بقلمي آلاء فهمي

#1 08-20-2025, 04:50 AM

وطبعا بعد ماتعرف علي على المى وعرف كل شي عنها وكل تفاصيل حياتها .صار كل يوم علي يتصل بالمى يطمن عليها وبيوم من الايام اتصل علي بالمى وخبرها تنزل بسرعة من شغلها لانه محضرلها مفاجأة .
وفعلا نزلت المى بسرعة وشافت علي جايبلها سيارتها بعد ما صلحها فرحت كتير وانبسطت
وقالت: لشو معذب حالك كان انا أجيت وجبتها .
علي: حبيت أعملك مفاجأة وكمان مابدي اغلبك .
المى: ييي شكرا الك جد انك مزوء بس شو واخيرا اتصلحت.
علي: جربيها وأحكمي بنفسك .
المى : يلا اوك راح اجربها بس أطلعي معي بلكي خربت على طريق .
علي: حاضر تحت امرك.
وفعلا طلع علي معها لحتى تجرب السيارة وبعد ما أتأكدت أنها زبطت ،أنبسطت المى كتير من علي وقررت تعزمه على الغدا. ووافق علي على العزيمة .ولما صاروا بالمطعم بلشت المى تسأل علي .
المى: اول شي حابة أتشكرك كتير على سيارة .بس كمان حابة اتعرف عليك اكتر انا لهلا مابعرف شي عنك برغم اني خبرتك كل شي عني وكنت واضحة وصريحة .
علي : شو حابة تعرفي عني .
المى : كل شي تقريبا ،انا بس بعرف اسمك علي وبتشتغل بقطع السيارات غير هيك مابعرف حتى اسمك بالكامل مابعرفه.
علي: خلص ولا يهمك ،اسمي علي خالد شحادة وساكن بالبنيات وعمري 28 سنة ومش متجوز وساكن مع اهلي ومن البيت للشغل ومن الشغل للبيت ماعندي طلعات ونزلات مع حدا ،بيتوتي كتير وبحالي وبخاف ربنا وبصلي كل صلواتي بالجامع .وماعندي علاقات مع حدا ولا بحب .
المى: ماشاء الله عليك .انا بحب الشخص يلي بخاف ربنا بكل شي .وصلاته اهم شي .
علي ؛ طبعا والحمد الله مابقصر بصلاتي بترك كل شي بايدي وبروح بصلي .ويحياتي ما حكيت مع بنات او طلعت مع حدا .بس انتي غير مابعرف ليش طلعت وحكيت معك.
المى: ممممم ليه انا بالذات طيب حكيت معي وهي انت قاعد معي هلا.
علي: صدقيني مابعرف .بحياتي ماحكيت مع بنات بس انتي ماشاء الله عليكي مبينة بنت عالم وناس ومحترمة ويمكن بدور على نصي التاني وتطلعي انتي.
المى: ممممم مو معقول بس كلك زوء .وان شاء الله بتلاقي نصك التاني ،بس مستحيل اكون انا .
علي: طيب ممكن ماتحكمي علي شي من هلا خلينا الايام تبينلك.
المى: يعني افهم من كلامك حابب نتعرف على بعض اكتر.
علي: بصراحة انا حابب اتعرف عليكي اكتر ازا ماعندك مانع اعطيني فرصة يمكن اكون غير.
المى: مممممم طيب ماعندي مانع بس بتمنى تكون صادق معي بكل شي .
علي : خلص بوعدك اني اكون صادق معك بكل شي وربنا شاهد علي وانا واحد بخاف ربنا أطمني.
المى: خلص اتفقنا.
وهيك بلش علي يتعرف على المى وصار يحكي معها كل يوم ويبعتلها مسجات .صار مش قادر يستغني عنها بالمرة طبعل لانه المى كانت كتير طيبة وحنونة وكانت تهتم فيه كتير حست انه شب منيح ويمكن يصير بينهم شي بالمستقبل بس كان عند المى احساس غريب اتجاه علي انه مخبي عليها شي لانه كان عنده تصرف واحد غريب هو يلي خلاها تشكي فيه .
بالجزء الجديد راح نعرف شو هو تابعوني
مع تحياتي
بقلمي الاء فهمي

ملكة ,منار ,اروى معجبون بهذا