الجزء الاخير من قصة نفاق رجل بقلمي آلاء فهمي

في يوم من الايام كانت المى بتفكر بعلي وبتسأل حالها شو سبب اهماله الها وفجأة رن رقم غريب عليها وصار هاد شخص يتخوت عليها أنه بعرفها وهي ضلت مصرة انها بعمرها ما حكت معه. بس المى فكرت بسرعة وﻷنها ذكية أخدت الرقم وبحثت عنه بالفيس طلع عنده صفحة صار تشوف صفحته وهي عم تبحث شافت أصدقائه وكان اول واحد علي .صفنت شوي وحكت مع حالها: والله هو نفسه علي حبيبي والله صورته معقول عنده فيس بس الاسم هون غير يلي بعرفه بس والله صورته. ضلت تتفرج على صفحته بعدها شافت صورته مع ولد صغير فتحت على تعليقات وكان مكتوب منور ابو سيف والله كبران سيف .أنصدمت المى اكتر معقول هو اسمه ابو سيف ،معقول هاد ابنه ولا هيك بنادوا عليه ولقبوا ابو سيف .المهم ضلت تتفرج على صفحته وأجت الصدمة الكبرى شافته كاتب أنتقل الى رحمة الله والد زوجتي.هون انصدمت المى معقول علي متزوج وعنده ولد وكل هالوقت بضحك علي ،مستحيل هاد علي الشب المنيح الطيب يلي بخاف الله وبصلي معقول خدعني مستحيل ومن كتر الصدمة رنت على علي وكان الوقت متأخر بس هو طبعا مارد عليها وهون انجنت المى وحبت تتاكد لانه جواتها انه كل يلي شافته كزب .وضلت ترن بس هو كان يفصلها بالاخير ولعت معها وبعتت مسجات انك طلعت متجوز ومنافق وطول هالوقت بتضحك علي بس هو طبعا مارد عليها وضلت تبعت لوجه الصبح لحتى نامت من الصدمة،تاني يوم وبكل وقاحة اتصل علي على المى لحتى يفهم شو صاير وليش هيك انجنت المى .
علي: خير مالك شو في كل هي اتصالات بنص الليل وشو هالمسجات يلي بعتيها.
المى: معقول مو عارف .انت طلعت متجوز وعندك ولد كمان وطول هي الفترة بتضحك علي .
علي: وكيف عرفتي مين خبرك؟
المى: صاحبك خبرني وشفت صفحتك على الفيس وهي طلع عندك صفحة كمان .
علي: يعني انا ماقدرت أخبرك اني متزوج لو انا خبرتك كان تركتيني .
المى: بلا شو ومعطيني معلومات غلط عنك وكل حياتك كزب بكزب لهدرجة نفاق والكزب جد طلعت ممثل بارع وقدرت تخدعني برغم اني وثقت فيك وبعمري ما توقعت تكون هيك على اساس عندك مخافة الله.
علي: يا بنت الحلال انا ماكزبت انا عنجد وحيد ومو متزوج انا تعبان كتير مع زوجتي وربنا حلل 4.بس ماقدرت اخبرك لحتى اتاكد انك بتحيبني وكمان خفت اخبرك من البداية اني متزوج كان تركتيني صح؟
المى: كان مفروض تخبرني وانا وقتها حرة ازا بكمل معك او لا.بس تقعد تضحك علي سنتين مو حرام عليك .
علي: خلص انسي الماضي وهيك عرفتي ازا حابة تكملي معي او لا أعملي يلي بريحك.
المى: معقول لهدرجة عندك الامور بسيطة انت متزوج وبتخون مرتك كيف راح اثق فيك مرة تانية.
علي: القرار برجعلك والكرة بملعبك هلا انتي زي مابدك بس انا ما كذبت عليكي بمشاعري انا كنت صادق معك.
وانتهت المكالمة هون وضلت المى مصدومة انه طلع يلي حبته أكبر منافق عرفته بحياتها واكبر كزاب واعظم ممثل بارع لانه كان ذكي وقدر يخدعها برغم محاولاتها الكتيرة لحتى تعرف شو مخبي عنها بس ماعرفت ولولا صاحبه كانت ضلت مخدوعة بعلي فترة طويلة.وكان قرارها تنفصل عنه لانها ماقدرت تسامحه على كذبه برغم حاول كتير معها انه يرجعلها بس هي ماقدرت لانه صار بوجه نظرها أكبر منافق على وجه الكرة الارضية.
وبهيك انتهت علاقة علي مع المى لانه رجل منافق وكزاب وممثل بارع
مع تحياتي
بقلمي الاء فهمي

ملكة ,منار ,اروى معجبون بهذا

اولا قصه رغم احداثها سريعه و قليله الا انها مشوقه جدا

ولانها بالعاميه اخدت الطابع منفرد وبسيط

صراحه قصه مميزه و فيها تحذير لكل بنت او أمراه تنغر عبر الشاشات من محاثات أو بالواقع متل مواقع

لا تعرف ما هو المخبئ لها ومن هو الذي تتحدث معه اصلا

و حسبي الله على كل من يخون ويتحدث مع غير زوجته كـ مبرر عدم استقرار في حياته زوجيه

مي ذكيه و كشفته لكن في اخريات تبقى غشيمه ومهووسه الى سنين

ابدعت حبيبتي جدا رائعه انتي والقصه

بصراحه حبيت هيك قصص كتري منهم يا عسل ننظر جديدك من القصص

ختم ونشر و 500 مشاركه و وسام فرسان الحرف

ملكة ,الاء فهمي ,منار معجبون بهذا

الكذب حبله قصير
والحمدالله إنها عرفت قبل فوات الآوان
ومي غلطانة من الاول
المفترض ما توغلت معاه بالحكي
ما مفترض اي بنت تحكي مع أي شب
حكي فيه لين وخاص وكل سر فيه وراه شبهه
لان مافي شيء أسمه صداقه مابين الشب والبنت
سرد جميل للقصة
سلمت الايادي
ولروحك الورد

ملكة ,اروى ,الاء فهمي معجبون بهذا

حبيباتي تسلموا على تعليقاتكم الجميلة وفعلا هيك لازم ماحدا يثق لحدا ويخلي في مسافة إمان
واسمها المى مو مي ههههه
شكرا الكم يا عسلات

ملكة ,اروى معجبون بهذا

الذين يشاهدون محتوى الموضوع الآن : 12 ( الأعضاء 1 والزوار 11)

يسعد صباحك او مساكم ورد
القصة ..
قصة بنات كثير
ينخدعوا بمعسول الكلام ولطافة المتحدث بابلباقة معهن
لاعرف الصراحة من السبب وراء الخداع قلوبهن المرهفة والقابلة لتصديق دون تقصى ماوراء الشخصية ونيتها
المهم كل الشكر لقلمك النابض بحروف من ذهب وبانتظار جديدك المميز بك
دمت ودامت مواضيعك الهادفة

الاء فهمي معجب بهذا

حبيبتي ملكة بتشكرك على حضورك الرائع

ملكة ,جيفارا معجبون بهذا

كل الشكر الاء على جهودك المميزة