قصة نفاق رجل آلاء فهمي

اوسمتي · #1 يوم أمس, 03:37 PM

في يوم من الايام كان فيه شب أسمه علي كان عنده محل قطع سيارات كان دايما يقعد على باب المحل وقت الفراغ ويطلع على الرايح ولا جاي بس كمان كان يروح يصلي كل صلاة بالجامع يعني الكل لما يتعامل معه بحسه شيخ ومحترم المسبحة مابتفارق ايديه .وبيوم من الايام وهو قاعد بمطرحه وبشرب شاي شاف سيارة جاية من بعيد حكى بباله واخيرا اجاني زبون ،وفعلا قربت السيارة لعند محله ونزلت منها بنت أمورة وحلوة كتير طول هضامة ولابسة على أخر طرز .
طبعا علي لما شاف هيك انصعق لانه هي اول مرة بتيجي صبية على محله لانه دايما بتعامل مع رجال. قربت البنت لعنده وسألته: مرحبا ممكن تساعدني ،سيارتي بتطلع صوت ومو عارفة مالها .
علي: تكرمي من عيوني هلا بشوفها .
صار علي يتفحص السيارة بس كان متلبك شوي لانه قدامه بنت امورة بطل يستوعب وصار يمسح عرقه وبطل عارف شو يعمل وبعدين خبرها : هي السيارة فيها قطعة لازم تتغير هي مو متوفرة عندي اليوم بس بحاول اوفرها هاليومين ازا بتقدري تخلي السيارة عندي وانا بصلحها لانه حرام تمشي فيها هلا .
الصبية: ممممم خلص ماشي خليها عندك بس ياريت تخلصها بيومين لانه هيك راح اتغلب كتير بالتكسيات.
علي: تكرم عيونك ممكن تعطيني رقمك لحتى اخبرك وقت ما تجهز .
الصبية: هي رقمي سجل عندك .
علي : هلا برنلك عشان تخزني رقمي عندك بس ممكن اعرف شو اسمك.
الصبية: أسمي المى .وانت شو اسمك؟
علي: اسمي علي وبنادوني علوش .
المى: أهلا وسهلا أتشرفنا ياعلي .
وبعدها تركته المى وراحت بس هو ضل يفكر فيها ويشم ريحة عطرها يلي فاح بكل مكان ،ورجع أقعد بمكانه وهو بفكر فيها وحاول يوفرلها القطعة المطلوبة بس كمان فكر انه ما بده يخلص سيارتها بيومين بده يضل يتواصل معها بخصوص السيارة لحتى يشوفها أكتر
تابعوني بالجزء التاني نعرف شو راح يصير
بقلمي آلاء فهمي

اروى ,جيفارا معجبون بهذا