الجزء الرابع من قصة نفاق رجل بقلمي آلاء فهمي

صار علي يتقرب من المى اكتر واكتر .وبعد مدة من الوقت اعترف علي بحبه الها وانه بطل قادر يستغني عنها ،والمى نفس شي حبيت علي كتير لانه شخص طيب وحنون بس كانت دائما شاكة بعلي انه فيه شي مخبي عليها ،شكت فيه لانه ماكان يرضى يحكي معها كتير كان دائما يحكي معها الصبح بس وهي كانت تدايئ منه لانه كل ماترن عليه مايرد وكانت حجته دائما انه مشغول ،طلبت منه يرنلها لما يكون بالبيت بس كمان كان يرفض عشان اهله بالبيت وهو بحترم اهله وبخاف حدا يسمعه وهو بحكي مع بنت .ضل الحال على هيك شهرين تقريبا بس المى ماعجبها الوضع وبيوم اتصلت المى بعلي لحتى وخبره عن قرار مهم.
علي: الو اهلا حبيبتي.
المى: علي انت فاضي حابة أحكي معك بموضوع.
علي: فاضي خير شو في ؟
المى: انا اليوم اتصلت فيك لحتى اخبرك قرار انفصالي عنك.
علي: ليه شو صاير.
المى: بصراحة انا مخنوئة منك كتير .مخنوئة من أهمالك الي ومدايئة لانك مابتحكي معي ولا بترضى تشوفني ودائما مشغول .الحب مو هيك كل ما احتاجك ما بلاقيك جنبي انا مليت من هالعلاقة .
علي: والله حبيبتي بكون مشغول شو اعمل .بس انتي بقلبي ودائما ببالي لا تتركيني انا بحبك .
المى: بس انت دائما بعيد عني وما بلاقيك جمبي.وانا تعبت.
علي: سلامتك من تعب .بس لو سمحتي اتحملي ظروفي والله بحبك اعملي اي شي فيه بس لا تتركيني ماصدقت لاقيتك لو سمحتي لا تتركيني .اضربيني اغلطي علي بس لا تتركيني.
المى: هي مو تربياتي انا بنت مربية مابغلط ولا بضرب حدا بس انت جننتني بطلت استحمل وانا حاسة انك مخبي عني شي
علي: والله مو مخبي عنك شي بس لا تتركيني خلص بعمل شو مابدك.
المى: خبرني شو السبب انك مابتحكي معي غير مرة بالاسبوع .ولما ارن عليك الصبح بتكون بالشغل وبالمسا بالبيت مع اهلك فهمني متى بدنا نحكي وكمان لما اطلب اشوفك مابتقبل ومابترضى تخليني اجي على محل يلا فهمني.
علي: المحل كله رجال مابحب تيجي عليه وخبرتك مابقدر احكي قدام اهلي بس هاد السبب.
المى: معقول لهدرجة بتخاف من اهلك
علي: مو خوف احترام بس ..خلص بوعدك اتغير .
المى: لنشوف علي افندي.
وطبعا بعدها علي اتغير فترة صغيرة بس رجع لنفس العادة مابحكي ولا بسال ولا بطمن بس ينفس الوقت مابده المى تتركه .حيرتنا ياعلي .
وضليت هيك المى محتارة ومالة من علاقتها بعلي وبنفس الوقت بدها تعرف شو مخبي علي عليها لانه مو لهدرجة الخوف من اهله .حاولت كتير توقع علي عشان يعترف بس على الفاضي وكتير حاولت تتركه بس هو ما كان يقبل وكانت تتركه كتير وماتحكي معه بس هو كان يضل يتصل ويبعتلها لحتى ترد عليه بس هي تضعف وترجع تحكي معه لانه بتحبه بس بنفس الوقت كانت مدايئة من اهماله الها بس بنفس الوقت كان يعرف علي كيف يراضيها .
ضليت المى هيك فترة لحتى بيوم من الايام انصدمت بشغلة عرفتها عن علي
تابعوني لحتى نعرف مع تحياتي
بقلمي الاء فهمي

ملكة ,منار ,اروى معجبون بهذا

بصراحه انا من جزء تاني شاكه انه علي متزوج

بس ننتظر باقي الاجزاء

قصه مشوقه حبيبتي

ختم ونشر

الاء فهمي ,منار معجبون بهذا

أنا مع أروى بالفكرة علي متزوج وعنده عيلة ثانية
ولو هذه الفكرة صحيحة لشو اللف الدوران على الأثنين
وما توقعت مي بهذه الصورة توقعتها اوعى من هيك
وطبعا استنتاج يحتمل الصواب أو الخطأ

بأنتظار لمعرفة باقي خيال الكاتبة
شكرا لكِ

الاء فهمي ,اروى معجبون بهذا

تسلموا حبيباتي
وممكن بكرا بتعرفوا بالجزء الاخير

كل التوفيق والتميز لك
دمت بخير وعافية